| عجیب زندگی ملی |
| رکاوٹیں تھیں ہر طرف |
| یہ جسم کی جو قید تھی |
| میں اس سے اب نکل گیا |
| میں اب زماں مکاں سے دور |
| کہیں پہ لا مکاں میں ہوں |
| عجیب مایہ جال تھا |
| یہ زندگی ! خبر نہ تھی |
| میں قید میں تھا ہر گھڑی |
| وہ رات دن کی قید تھی |
| وہ موسموں کی قید تھی |
| وہ بھوک کی بھی قید تھی |
| وہ پیاس کی بھی قید تھی |
| محبتوں کا حبس تھا |
| وہ نفرتوں کی قید تھی |
| سماج کی رواج کی |
| دھرم کی بھی گھٹن بہت |
| تھی قید اعتقاد کی |
| شراب کی ممانعت |
| سماع کی ممانعت |
| تھی رقص کی ممانعت |
| عزیزِ جاں سے بول چال |
| اب اس کی بھی ممانعت |
| کروں تو کیا کروں یہاں |
| یہی میں سوچتا رہا |
| سلجھ سکا نہ مسئلہ |
| جنم جنم تھا پائمال |
| فرار کا فقط یہاں |
| بس اک یہی تھا راستہ |
| جفا کا ساتھ دوں یہاں |
| مگر میں یہ نہ کر سکا |
| یہ ہتھکڑی حیات کی |
| اتار کر یاں پھینک دی |
معلومات