| حبیبِ ذاتِ واحد ہیں نبی میرے نبی میرے |
| صمد کے پیارے قاصد ہیں نبی میرے نبی میرے |
| جو لائے بحرِ ظلمت میں خدا سے شمع نورانی |
| وہ سیلِ کفر کا رد ہیں نبی میرے نبی میرے |
| یہ ہادی سب کے رہبر ہیں انہی سے نبض ایماں کی |
| فصیلِ شرک پر زد ہیں نبی میرے نبی میرے |
| نبی سے خلقِ یزداں کو ملی تعلیم قرآں کی |
| خُلق میں اوج کی مَد ہیں نبی میرے نبی میرے |
| حسیں جو اعلیٰ عترت نے کھلائے گل ہیں کربل میں |
| سخی اُس آل کی جد ہیں نبی میرے نبی میرے |
| عُلیٰ ہیں رتبے میں آقا عُلو تحتِ قدم اُن کے |
| جو جانیں فوق کی حد ہیں نبی میرے نبی میرے |
| ہیں بخشیں ان کو مولا نے دنیٰ کی خلوتیں محمود |
| وہ واحد رب کے شاہد ہیں نبی میرے نبی میرے |
معلومات