| چشمِ بینا کو نظر آئے وہ جلوہ پیار کا |
| محوِ حیرت دیکھ کر احسان ہے سرکار کا |
| تھا جو اسماعیل میں مادہ اطاعت کا بھرا |
| ہو گا بچہ بھی تو مظہر باپ کے کردار کا |
| لوگ کہتے ہوں اگر شوریدہ سر اور خود غرض |
| کون موقع ڈھونڈتا ہے لطف کے اظہار کا |
| جانتا کوئی نہیں ہے اس کے اسرار و رمُوز |
| راز داں کوئی نہیں قدرت کے کاروبار کا |
| چاند سورج سے منوّر ہو کے لگتا ہے حسیں |
| اور نظّارہ ستاروں میں اُسی چمکار کا |
| حسنِ یوسُف میں نظر آئی تھی اک تیری جھلک |
| تھے محمّد اک نمونہ حسن کے شہکار کا |
| دل کا اطمینان کھویا ہم نے جب کھویا تجھے |
| ذکر کس سے اب کریں گے ہجر کے آزار کا |
| آتی جاتی سانس بھی مرہونِ منّت ہے تری |
| تیرے بِن کیسے گزارا ہو دلِ بیمار کا |
| ہر گھڑی ہے رابطہ جب تک کہ دم میں دم رہے |
| دل کی دھڑکن نام لیتی ہے اسی دلدار کا |
| زندگی کی ناؤ ہاتھوں میں ہے جس کے نا خُدا |
| فیصلہ کرتا ہے چن کر راستہ پتوار کا |
| سائباں بن کر ہمیشہ کے لئے رہتا نہیں |
| اعتبار آئے گا کیا پھر چرخِ نا ہنجار کا |
| ڈھونڈ لے طارق اسے جو عمر بھر کا ساتھ دے |
| چاہیئے کیا ساتھ اگر تجھ کو ملے ابرار کا |
معلومات