| بُنتے ہیں کاج, غوثِ جَلیؓ نائبِ علیؑ |
| رکھتے ہیں لاج, غوثِ جَلیؓ نائبِ علیؑ |
| ملکِ کرم میں شہرِ سخاوت میں دیکھیے |
| کرتے ہیں راج, غوثِ جَلیؓ نائبِ علیؑ |
| لطف و عطا و فضل کا, دیکھو تو کیا حَسین |
| ہے امتزاج، غوثِ جَلیؓ نائبِ علیؑ |
| اقطاب و اولیا کو اور ابدال کو تِری |
| ہے احتیاج، غوثِ جَلیؓ نائبِ علیؑ |
| ہیں تورے آستاں پہ مہاراج بھی فقیر |
| تم ہو دِھراج غوثِ جَلیؓ نائبِ علیؑ |
| دوشی ہُوں, پاپی ہُوں مَیں, کرم کار آپ ہیں |
| رکھیے لِہاج غوثِ جَلیؓ نائبِ علیؑ |
| بیمارِ قلبِ زار کا, بیمارِ روح کا |
| بس ہے علاج، غوثِ جَلیؓ نائبِ علیؑ |
| شاہدؔ بڑے ادب سے جُھکاؤ سَرِ وِلا |
| آتے ہیں آج, غوثِ جَلیؓ نائبِ علیؑ |
معلومات