| اندر کی بات ہے جو ، سمجھ پائیں گے وہ کیا |
| ٹھوکر اگر لگی ہے ، سنبھل جائیں گے وہ کیا |
| کرتے ہیں وہ رقیب سے جا کر شکایتیں |
| اب اس سے بڑھ کے اور ستم ڈھائیں گے وہ کیا |
| ترکش سے اپنے تیر چلاتے تو خوب تھا |
| لشکر بھی ساتھ دشمنوں کا لائیں گے وہ کیا |
| دامن سمیٹ کر چلیں ، ہے راہ خاردار |
| اس پر چلے تو پاؤں کو بچائیں گے وہ کیا |
| بھولا کہیں نہ اس کو جو لوٹ آئے شام کو |
| آخر تو اپنے گھر کو ہی لوٹ آئیں گے وہ کیا |
| پتّے شجر سے ٹوٹے نہیں ، آئیں آندھیاں |
| اب ان کو پھونک مار کے گرائیں گے وہ کیا |
| اپنے پرائے کی ہمیں پہچان ہو گئی |
| طارق کسی کو فائدہ پہنچائیں گے وہ کیا |
معلومات