| ارمان کے ہیں طوفاں، اک تار داماں خالی |
| دربارِ مصطفیٰ میں، لایا ہے یہ سوالی |
| کب چارہ گر حزیں کا، سرکار کے سوا ہے |
| ہیں منجدھار گہرے، ناؤ نحیف ڈالی |
| ہے مشکلوں نے گھیرا، منزل کٹھن ہے میری |
| الطافِ حق کے قاسم، خیراتِ تو مثالی |
| کارِ فضول میں ہے، گزری حیات میری |
| نامہ عمل سے میرا، سارا رہا ہے خالی |
| کونین کی تو رحمت، تجھ سے چلا زماں ہے |
| دارین کی ہے جاں تُو، اور ذات شان والی |
| تیری عطا چمن ہے، مالی شہا تو اس کا |
| گلشن میں حسن تجھ سے، اے دہر کے موالی |
| پھل پھول اس چمن میں، تیرے ہیں دم قدم سے |
| تیری ہے مِلک پَتا، ہر شاخ اور ڈالی |
| خلقِ خدا میں دیگر، اچھے سے خوب تر ہیں |
| بعد از خدا بڑی جو، تیری ہے ذاتِ عالی |
| ناقص ہوں پُر خطا ہوں، تیرا گدا ہوں لیکن |
| تو دان دے دہر کو، کونین میں مثالی |
| حسنِ نبی کے پَرتو، آفاق کے نظارے |
| جن کے لبوں سے لالی، عنبر نے کچھ چرا لی |
| جھولی کھلی ہیں لاتے، اُن کے نگر میں سلطاں |
| تاکہ عطائے داتا، دامن نہ چھوڑے خالی |
| محمود غم عبس ہے، یومِ نشور کا پھر |
| بخشش نبی نے امت، محشر میں جب سنبھالی |
معلومات