| دھوپ رنگوں میں نہ بٹ کر ملنا |
| منعکس زادوں سے ہٹ کر ملنا |
| کب گوارہ ہے انا داروں کو |
| جانے والے کا پلٹ کر ملنا |
| جانتا ہوں کہ زمانے بھر سے |
| اس سے ملنا ہے تو کٹ کر ملنا |
| حشر تک یاد رہا دنیا سے |
| آخری بار لپٹ کر ملنا |
| وسعتِ قلب و نظر ہے لازم |
| دائروں میں نہ سمٹ کر ملنا |
| دوسرا رخ بھی ہوا کر تا ہے |
| ان کی تصویر الٹ کر ملنا |
| جب وہ تجھ سا ہے تو ڈرنا کیسا |
| اب جو مل جائے تو ڈٹ کر ملنا |
| غم کی ان جھیلوں کے دو پاٹوں کا |
| کچھ عجب بھی نہیں پٹ کر ملنا |
معلومات