| یادِ نبی میں رہتی تازہ ہے زندگی |
| دارِ سخی پہ آئیں حاصل ہو تازگی |
| نقشِ قدم کریمی دیں کامرانیاں |
| الطافِ مصطفیٰ میں سکھ چین آشتی |
| آیا سکون دل کو راحت میں جان ہے |
| لائے حبیبِ یزداں قرآن روشنی |
| طاغوت سے بچائے آسانیاں کرے |
| جو دینِ مصطفیٰ ہے مقصودِ زندگی |
| تاباں کرے یہ جینا سینے میں روشنی |
| پیارا ہے دینِ حق جو لایا یہ دلکشی |
| لطفِ حیات اس سے کافور کلفتیں |
| ذکرِ نبی ہے دیتا ہستی کو چاندنی |
| الطافِ دلربا سے ملتا قرار ہے |
| دینِ متیں کو بخشی مولا نے چاشنی |
| مومن حیات تیری آسانیاں بھری |
| سنت پہ ہو عمل ہے مقصودِ بندگی |
| دستورِ زندگی ہیں سارے عیاں ہوئے |
| سرکار سے شریعت سب سے حسیں ملی |
| کوئی تو ہے تقاضہ حسنِ حیات کا |
| ہوتی عبس کہاں ہے مومن یہ زندگی |
| پہچانِ حق و باطل آسان ہو گئی |
| محمود کبریا سے مومن کو آگہی |
معلومات