| پہچان ہے پھولوں کی تو خوشبو کی بدولت |
| اپنی بھی شناسائی ہے اردو کے بدولت |
| یہ میر یہ غالب تو ترقی کا سبب ہیں |
| اردو تو ملی ہے ہمیں خسرو کی بدولت |
| منسوب نہیں ہے کسی مسلک سے یہ ہرگز |
| ہے اردو ادب مسلم و ہندو کی بدولت |
| اک لفظ ہے جو "آپ" اسے دیجیئے ترویج |
| ہے جھگڑا ہی دنیا میں من و تو کی بدولت |
| محتاط بہت رہیئے پر آشوب جہاں میں |
| مٹ جاتی ہے ہر نیکی کسی سو کی بدولت |
| محفل نہ کرو ختم ابھی ٹھہرو خدارا |
| آیا ہوں نظر میں ترے پہلو کی بدولت |
| یہ آپ کی نسبت نے ہی عزت ہمیں دی ہے |
| ورنہ نہیں پوچھے کوئی خو بو کی بدولت |
| بھائی کو کہا جاتا ہے بھائی کا محافظ |
| شبیر کے بس قوت بازو کی بدولت |
معلومات