| نہ مکاں ہے نہ ہے مکیں باقی |
| کسی شے کا نشاں نہیں باقی |
| یکسر اب مجھ میں میں نہیں باقی |
| تو ہے لیکن کہیں کہیں باقی |
| اب تو موجود ہی نہیں کہیں کچھ |
| اب بھی ہوں کیا یہیں کہیں باقی |
| تب گماں پر گماں تھا ہم کو مگر |
| اب یقیں پر یقیں نہیں باقی |
| وصل کی شب سحر کا ذکر نہ چھیڑ |
| ابھی ہے رات شبنمیں باقی |
| مذہبِ دل جو اختیار کیا |
| اب کسے فکرِ کفر و دیں باقی |
| دل عمارت تو بہہ گئی کب کی |
| بس ہیں دیواریں بے زمیں باقی |
| اب کرو گے کہاں فساد بپا |
| اب بھی ہے کیا کوئی زمیں باقی |
| ہائے سب دورِ غم گزر گئے تھے |
| آنا تھا دورِ آفریں باقی |
| غم نے وہ گل بدن بھی چاٹ لیا |
| اب کہاں جسمِ صندلیں باقی |
| آنکھوں کے گرد حلقے بھی پڑے ہیں |
| اب کہاں چشمِ خوشمگیں باقی |
معلومات