| ایسے مشکل حیات ہے یاسر |
| جیسے جنگل میں رات ہے یاسر |
| روز ہم کو گلے لگایا کر |
| اصل یہ ہی نشاط ہے یاسر |
| شمعِ امید اب بھی روشن ہے |
| یہ ہواؤں کو مات ہے یاسر |
| خوش نصیبوں کو مل گئی منزل |
| اپنا تو ہاتھ پہ ہاتھ ہے یاسر |
| کیوں سناتے ہو غم ستاروں کو |
| آج تو چاند رات ہے یاسر |
| آج منہ پھیر کے جو گزرا تُو |
| آہ وقتوں کی بات ہے یاسر |
| اس سے بولو نا اب تو لوٹ آئے |
| کتنی صدیوں سے رات ہے یاسر |
| جس کو تنہائی تُو سمجھتا ہے |
| یہ میری کائنات ہے یاسر |
| ظلم کی قید سے رہائی دے |
| ایک اسکی ہی ذات ہے یاسر |
| کیسے میں زندگی کہوں تجھ کو |
| زندگی بے ثبات ہے یاسر |
| تو ہمیں مل کے بھی نا مل پایا |
| ساری قسمت کی بات ہے یاسر |
معلومات