| چراغِ رحمتِ عالم ترا دربار ہے آقا |
| متاعِ امنِ دو عالم ترا کردار ہے آقا |
| سبھی تشنہ لبوں کے واسطے بحرِ بقا تو ہے |
| شفا کی اک دعائے خاص تیرا پیار ہے آقا |
| جہاں میں عدل کا ڈنکا بجا ہے تیرے آنے سے |
| ترے خُلق و محبت پر فدا سنسار ہے آقا |
| یتیموں کے لئے سایہ غلاموں کے لئے شفقت |
| تری ہجرت پہ شاہد ہو گیا اک غار ہے آقا |
| تری صحبت میں رہ کر جس کسی نے تجھ سے سیکھا ہے |
| وفا کے باب میں وہ بن گیا شہکار ہے آقا |
| جہالت کے اندھیروں سے نکالا تُو نے امّت کو |
| علوم و حکمت و دانش کا تو معیا ر ہے آقا |
| اخوّت کا دیا ہے درس باہم عدل کر کے بھی |
| محبت سے چلا جتنا ترا دربار ہے آقا |
| دلوں کے حوصلے کو پستیوں سے سر بلندی دی |
| ہوا جینے کا مقصد ہی ترا دیدار ہے آقا |
| جہاں میں امن کی خوشبو ترے دامن سے وابستہ |
| وفا کے قافلوں کا قائد و معمار ہے آقا |
| خدا کا شکر ہے طارق بھی شامل ہے غلاموں میں |
| زمانہ جانتا ہے تُو شہِ ابرار ہے آقا |
معلومات