| کچھ راہ و رسم تجھ سے ، مرے کام آئی تو |
| لے کر صبا پیام ، مرے نام آئی تو |
| کم ظرف تھے جو مانگنے کا حوصلہ نہ تھا |
| تیری نگاہِ مست ، لئے جام آئی تو |
| خوشبو ترے بدن کی تھی آنگن میں آگئی |
| یادیں تری سمیٹ کے پھر شام آئی تو |
| آزاد سوچ تھی جسے قابو نہ کر سکے |
| وہ بھی زہے نصیب ، تہہِ دام آئی تو |
| دن بھر تھا انتظار رہا اس کی دید کا |
| پھر بن سنور کے شام ، سرِ بام آئی تو |
| طارقؔ ہے زندگی تو اسی کشمکش کا نام |
| کہتے ہیں موت دینے کو آرام آئی تو |
معلومات