| تُو سُکھ ورگا تُو ساہ ورگا |
| افضل مقبول دعا ورگا |
| تیڈا ملنا رب دی نعمت اے |
| تُو دشت اچ عین پناہ ورگا |
| تیڈی یاد وسیلہ زندگی دا |
| تیڈا لہجہ ہوش رُبا ورگا |
| تینوں تکنا حج زواری اے |
| تُو حق دی پاک نِدا ورگا |
| تیڈی خوشبو کومل پُھلاں جئی |
| تو چمن اِچ بادِ صباء ورگا |
| تيڈے ہونٹاں دی مسکان الگ |
| تُو روپ نگر دے شاہ ورگا |
| تیڈا پاک خیال عبادت ہے |
| تو رب دی خاص عطا ورگا |
| تُو شاہِ جَمنؑ سُلطانِ زمنؑ |
| یاسر ادنا تے گدا ورگ |
معلومات