| یہ عاجزانہ عرضی مولا قبول ہو |
| وردِ زبان ہر دم شانِ رسول ہو |
| مولود کی ہیں گھڑیاں وقتِ ورود ہے |
| اُن پر سلامِ دائم میرا حصول ہو |
| آئے حبیبِ داور لائے ہیں نعمتیں |
| خوشیاں منائیں سارے ہر گِز نہ بھول ہو |
| من میں سجے ہوئے ہیں گجرے درود کے |
| عکسِ جمالِ جاناں سینے میں پھول ہو |
| لمحے فراق والے مولا قلیل کر |
| راہِ مدینہ کی اب بالوں میں دھول ہو |
| باغِ مدینہ سے ہی آتی رہے ہوا |
| یہ دل کبھی نہ میرا اتنا ملول ہو |
| محمود چاہے دیکھے دلدار کی گلی |
| یہ التجا ہے اس کی مولا قبول ہو |
معلومات