| آؤ مل کر چلیں |
| آؤ مل کر چلیں |
| ایک دوجے کا اب ہم سہارا بنیں |
| وقت کی قید میں |
| میں بھی ہوں تم بھی ہو |
| آؤ مل کر یہ پل ہم گزاریں |
| پھیکی دنیا میں میٹھی سی باتوں کے رنگ |
| آؤ مل کر بھریں |
| آؤ مل کر چلیں |
| تم بنو آفتاب اور میں ماہتاب |
| ہو منوّر ہمیں سے یہ خاک اور آب |
| آسماں کو زمیں میں دِکھے آئینہ |
| اس اندھیرے کو دن اور مل پائیں نہ |
| روشنی کا سبب آؤ مل کر بنیں |
| آؤ مل کر چلیں |
| آؤ تنہائیوں سے بھری رات میں |
| وصل کا مل کے ہم |
| بول بالا کریں |
| ایک دوجے کی خاطر اجالا کریں |
| ایک دوجے کے دل کی وہ سرحد بنیں |
| جس کے نزدیک بھی |
| غم ٹھہر نہ سکیں |
| وہ پرانی خزاؤں کے کانٹے سبھی |
| جو مِرے اور تِرے دل کی تہہ میں چبھے |
| ان کو مل کر چنیں |
| کیوں نہ ملتے رہیں |
| تا نہ آئے خزاں پھر کبھی |
| بس رہے یہ بہار |
| ایک دوجے کی خاطر مکمل جہاں ہم بنیں |
| آؤ مل کر رہیں! |
معلومات