| آپ دیوانہ کہہ کر بلاتے ہیں کیوں |
| مجھ کو اپنا بنا کر بھلاتے ہیں کیوں |
| شرم آتی ہے محفل میں گر آپ کو |
| بے ادب ہوکے پھر کھانا کھاتے ہیں کیوں |
| داد بھی کوئی جس انجمن میں نہ دے |
| شعر اپنے وہاں پر سناتے ہیں کیوں |
| لوگ ترچھی نظر سے ہی مر جائیں گے |
| آپ ہاتھوں میں خنجر اٹھاتے ہیں کیوں |
| پیار کرنا اگر جرم ہے جانَ من |
| ظلم ڈھانے میں پھر ہچکچاتے ہیں کیوں |
| جن کی فطرت میں ہے نفرتیں بانٹنا |
| ان سے دستِ محبت ملاتے ہیں کیوں |
| جب نہ کر پائیں عزت کسی کی ثمرؔ |
| گھر میں مہمان کو پھر بلاتے ہیں کیوں |
معلومات