| غزل |
| جو آج بھی شمشیر بکف ہوں گے مسلماں |
| دُشمن کے وہ آسان ہدَف ہوں گے مسلماں |
| منکر جو حدیثوں کے ہیں ، من مانی کریں گے |
| کیسے وہ محمّد کی طرف ہوں گے مسلماں |
| ہیں اہلِ جنوں وہ جو ہیں ہتھیار اٹھاتے |
| لڑنا جو پڑے ، آخری صف ہوں گے مسلماں |
| اسلاف کی تاریخ بتاتی ہے یہی تو |
| اخلاق سے اصحابِ شرَف ہوں گے مسلماں |
| دھچکا لگے اُس کو جو سمجھ کر یہاں آئے |
| پابندِ روایاتِ سلَف ہوں گے مسلماں |
| موسیقی کے دلدادہ کہیں رقص کے رسیا |
| وقت آئے گا سامانِ شغَف ہوں گے مسلماں |
| غوطہ جو سمندر میں لگائے گا ، ملیں گے |
| چند ایک ہی پوشیدہ صدف ہوں گے مسلماں |
| اک دورِ درخشاں تھا، مگر آئے گا اک دور |
| اُس دور میں برباد و تلَف ہوں گے مسلماں |
| یہ تلخ حقیقت ہے کہ گر خود کو نہ بدلا |
| تاریخ کے چہرے سے حذَف ہوں گے مسلماں |
| طارقؔ انہیں تقدیر بچائے گی کہاں تک |
| جب تک نہ خلافت کے خلَف ہوں گے مسلماں |
معلومات