| پیاری جہاں میں اللہ کو صورتِ محمد |
| لازم خدا نے کی سب پر طاعتِ محمد |
| معراج کو بلا کر ہے عرش سے بھی اونچا |
| کیسی بڑھائی ہے رب نے رفعتِ محمد |
| کردار میں کوئی بھی ثانی نہیں شہا کا |
| دنیا میں سب سے اعلی ہے سیرتِ محمد |
| یثرب بنا مدینہ، مٹی بنی شفا ہے |
| پھیلی وہاں پہ ساری یہ برکتِ محمد |
| سب انبیاء ہیں اعلی، رتبے عظیم سب کے |
| لیکن نرالی ہے سب سے عظمتِ محمد |
| آقا کھڑے ہو جائیں گے پل صراط پر جب |
| تو وجد کرتے گزرے گی امتِ محمد |
| خود ہی جحیم سے لے آئیں گے ساری امت |
| اللہ سے بھی ایسی ہے قربتِ محمد |
| عاجز فدا ہے تم پر اپنے فواد و جاں سے |
| مجھ کو ملی ہے نسلوں سے الفتِ محمد |
معلومات