| آبلوں سے تری گلیوں میں اجالا نہ کریں |
| اب ترے شہر کو اپنا بھی تو دیوانہ کریں |
| تو مری پہنچ سے ہے دور مگر تیرے لئے |
| کیا غریبوں کو نہیں حق کہ تمنا نہ کریں |
| ہچکیوں نے مرے خوابوں میں خلل ڈالا ہے |
| ان سے کہہ دے کوئی میرے لئے سوچا نہ کریں |
| مجھ کو عادت ہے ہر اک درد اٹھا لینے کی |
| وہ تکلف میں مرے ساتھ اب اچھا نہ کریں |
| ہم کو گرنے میں نہ اک لمحہ لگے گا یارو |
| وہ نظر شرم سے محفل اٹھایا نہ کریں |
| بے رخی آپ کے چہرے پہ نہیں ہے زیبا |
| صاف کہہ دیجیئے ہم بزم میں آیا نہ کریں |
| جو ہمیں دیتے ہیں الزامِ دغا ان سے کہو |
| ہم کو بدنام کریں عشق کو رسوا نہ کریں |
معلومات