| درد کا فیصلہ بدلنا ہے |
| ہجر کا سلسلہ بدلنا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| مشکلیں سر سے ٹلنے والی ہیں |
| بس ذرا حوصلہ بدلنا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| لے کھڑا ہوں میں دوسری جانب |
| میں نے کچھ فاصلہ بدلنا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| ساحلوں سے یہ کہہ رہی ہے ہوا |
| کشتی نے ناخدا بدلنا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| اک تسلسل سے موت اتی ہے |
| ایک بس حادثہ بدلنا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| دیکھ کر مسکرا رہا ہے مجھے |
| کیا اسے رابطہ بدلنا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| ہمسفر تُو نہیں ہوا تو پھر |
| راہ میں قافلہ بدلنا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| یہ کہانی سمجھ سے باہر ہے |
| اے خدا ماجرہ بدلنا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| اس کو مانی سے اب نہیں الفت |
| اب اُسے راستہ بدلنا ہے |
معلومات