| حرم سے اک صدا آئی حضور آئے حضور آئے |
| صبا پیغام یہ لائی حضور آئے حضور آئے |
| ضعیفوں نے سکوں پایا یتیموں نے کہا اتنا |
| سعادت ہم نے یہ پائی حضور آئے حضور آئے |
| اندھیرا چھٹ گیا سارا معطر ہے فضا ساری |
| دہر میں روشنی آئی حضور آئے حضور آئے |
| سواری آپ کی اقصیٰ میں پہنچی شان و شوکت سے |
| ہویٔی واں پھر پذیرائی حضور آئے حضور آئے |
| روانہ جس گھڑی آقا ہوۓ مکّہ سے یثرب کو |
| مدینے سے صدا آئی حضور آئے حضور آئے |
| سنو تم غور سے طالب چمن کے گوشے گوشے سے |
| ہر اک گل سے صدا آئی حضور آئے حضور آئے |
معلومات