| بن کے دستِ فتنہ گر |
| ہم پہ تُو جفا نہ کر |
| پہلے بھی تو ہوتے تھے |
| تھے مگر وہ معتبر |
| تیرا میرا ربط تھا |
| اس کی بھی نہ کی قدر |
| قدموں میں تُو غیر کے |
| سر جھکائے یہ خبر |
| ہے بھلا یہ کس طرح |
| پاس تیرے مال و زر؟ |
| بن چکے ہیں یرغمال |
| تیرے ہاتھوں نامہ بر |
| منصفی نہ اب رہی |
| دل میں سب کے تیرا ڈر |
| زعمِ اختیار میں |
| تو چلا ہے کِس ڈگر؟ |
| التجا محبتیں |
| کچھ رہا نہ کارگر |
| عمر کے زوال میں |
| ضد نہ اختیار کر |
| بس تو اتنا جان لے |
| شب ہے اختتام پر |
| اپنوں پر نہ وار کر |
| اپنی حد نہ پار کر |
معلومات