| بیتاب کر گئی ہمیں رنگیلی چوڑیاں |
| نیلی گلابی لال ہری پیلی چوڑیاں |
| بجنے لگی ہے دھڑکنیں جھنکار کی طرح |
| پہنی ہے جب سے آپ نے البیلی چوڑیاں |
| دیکھوں جو آنکھ بھر کے میں اسکی طرف کبھی |
| کرتی ہیں دل پہ چوٹ یہ نخریلی چوڑیاں |
| ہالا ہے چاند کا تو کبھی ہے یہ اک ستار |
| چڑھ کے کلائی پر ہوئی تمثیلی چوڑیاں |
| چومے کلائی آپکی کسکا ہے یہ نصیب |
| اتراۓ کیوں نہ ہاتھوں میں چمکیلی چوڑیاں |
| حیران ہوں میں دیکھ کے چھن چھن کی یہ ادا |
| اتنی تو پہلے تھی نہیں شرمیلی چوڑیاں |
معلومات