ہر حقیقت سے ہے افضل مرا افسانہِ غم |
کیسے سمجھے گا مرا غم کوئی بیگانہ غم |
میں کہ شیدائیِ چشمِ مئے افرنگِ بتاں |
کوئی تو ہو جو بھرے میرا یہ پیمانہ ِغم |
میں نے دیکھا ہے جہاں میں عجب اک رنگ جہاں |
کوئی فرزانہِ راحت کوئی دیوانہِ غم |
ہر طرف بادِ بہاری خبر گرم ہوئی |
دیکھئے معجزہ خاکسترِ پروانہِ غم |
سارے عالم میں نہیں ایک بھی سودائیِ درد |
کون آباد کرے گا مرا کاشانہِ غم |
کوئی خوشیوں کی تمنا نہ دکھوں کی کوئی فکر |
کتنا بیگانہ¿ عالم ہے یہ مستانہِ غم |
کتنے فرہاد سے مجنوں سے ہیں آباد یہاں |
کوئی آکر ذرا دیکھے مرا ویرانہِ غم |
میرے جانے سے ذرا دیکھئے کیا رنگ ہوا |
اب کوئی شمع ہے محفل میں نہ پروانہِ غم |
دل ہی جب ساغرو بادہ پہ نہیں خوش تو بتا |
کیسے آباد رہے گا مرا میخانہِ غم |
اپنی ہستی ہی مٹا ڈالی حبیب اس کے لئے |
پھر نہ کیوں پھولے پھلے میرا ہر اک دانہِ غم |
معلومات