| دل سے نکلی ہوئی آہوں کا بیاں ہے اردو |
| بےزباں اشک کے دھاروں کی زباں ہے اردو |
| ذوق مومن کے تصور کی ہے یہ حسن پری |
| میرو غالب کے تغزل کا نشاں ہے اردو |
| اپنے لہجے میں بسا رکھی ہے ممتا کی لہر |
| لفظ و احساس کے جذبات کی ماں ہے اردو |
| رنگ و خوشبو سی لہکتی ہے نزاکت اسکی |
| پھول بوٹے کی اداؤں میں نہاں ہے اردو |
| گیت غزلوں سے منور ہے فضائیں اسکی |
| بزمِ احساس میں تاروں کا سماں ہے اردو |
| شیرنی گھلتی ہے کانوں میں صدا سے اسکی |
| ہرسو ملتی ہے محبت ہی جہاں ہے اردو |
معلومات