| یادِ نبی سے اپنا سینہ سجا رہا ہوں |
| بگڑے نصیب تھے جو ایسے بنا رہا ہوں |
| خلقِ خدا پہ رحمت آقا کریم سے ہے |
| نغمے اسی کرم کے دل کو سنا رہا ہوں |
| بے حد درود ہر دم ذاتِ کریم پر ہیں |
| گجرے بنا لے تو بھی دل کو بتا رہا ہوں |
| خلقِ عظیم اُن کو قرآن کہہ رہا ہے |
| توصیفِ مصطفیٰ کو لب پر سجا رہا ہوں |
| چچا کے سارے قاتل بخشش نبی سے چھوٹے |
| بحرِ سخا سے یہ میں اک بوند لا رہا ہوں |
| حرکت وجودِ ہستی سرکار کی عطا سے |
| نغمے اسی کرم کے خدمت میں لا رہا ہوں |
| محمود فیض دائم کونین پر نبی کے |
| مرضی ہے لوٹ لے جو سب کو بتا رہا ہوں |
معلومات