| کتنا ہے شجرۂ نسب اعلی حسین کا |
| بابا علی ہے اور نبی نانا حسین کا |
| اللہ اللہ معجزہ کیسا حسین کا |
| قرآن نیزے پر بھی سنانا حسین کا |
| اعلائے حق و دینِ نبی کے لیے ہی تھا |
| میدانِ کربلا بھی سجانا ـــــــحسین کا |
| وہ رزم کیسی تھی کہ سر اپنا کٹا کے بھی |
| باطل پہ پھر بھی فتح پا جانا حسین کا |
| کوئی بھی نام لیوا بچا کب یزید کا؟ |
| اور اب بھی ہے زمانہ دِوانہ حسین کا |
| کرتے ہیں سائلوں کو عطا نعمتِ خدا |
| کیسا سخی ہے یارو گھرانہ حسین کا |
| رہتا ہے عاجز اس لیے دن رات شاد شاد |
| سائل ہے یارو! کیوں کہ پرانا حسین کا |
معلومات