| اے خدا تو از پئے شافع امم کردے کرم |
| مشکلوں کا آفتوں کا بار ہے کردے کرم |
| تو ہی تو ہےقرب والا ہر قریبی سے خدا |
| جانتا ہے حال تو کیا حال ہے کردے کرم |
| دور تجھ سے میں ہوا ہوں ہاۓ بد کاری سبب |
| غفلتوں کا دل پہ اک آزار ہے کردے کرم |
| میرے مولا تیرا بندہ ہوں نبھا لے مجھ کو تو |
| درگزر کر ہر خطا غفار ہے کردے کرم |
| مجھ کو رسوائی کی آفت سے خدا محشر کے دن |
| تو بچانا بہر سرور اے خدا کردے کرم |
| اپنے پیارے کے سبب تو مجھ کو دے دے نیک راہ |
| ورنہ محشر میں بہت ہی مار ہے کردے کرم |
| مرشدی غوث الوری کے صدقے کر آسانیاں |
| زیر کردے ہر بلا مختار ہے کردے کرم |
| جب تلک زندہ رہوں ایمان کی دولت ہو سنگ |
| اور در سرکاربھی درکار ہے کردے کرم |
| وقت آخر مرشدی کے جلووں میں نکلے یہ دم |
| بس یہی ذیشان کی فریاد ہے کردے کرم |
معلومات