| اک عاجزانہ مولا میری ہے یہ دعا |
| حسنِ جہان دیکھوں دربار ہو سجا |
| پھر بھول جاؤں دنیا اپنی خبر نہ ہو |
| لرزے میں دل ہو میرا بولوں نہ کچھ ذرا |
| میرا جو حال آنسو بھی کہہ سکیں وہاں |
| ان کو ادب میں روکوں ساکت رہوں کھڑا |
| منظر حسین تر ہے میرے خیال میں |
| مسجد نبی میں ہوتا اے کاش میں کھڑا |
| باراں وہ رحمتوں کے یہ آنکھ دیکھتی |
| تاباں ہے دہر جن سے وہ دیکھتا میں شاہ |
| سب جانتے ہیں دل کی آقا کریم ہیں |
| آیا جو صاف من سے سیراب ہو گیا |
| سنتے ہیں دور سے بھی ان کی عطا کے کان |
| وہ جانتے ہیں ان کا کس نے ذکر کیا |
| محمود جو غنی ہیں مولا کے دان سے |
| توصیف کر تو ان کی جو دل کو دے جلا |
معلومات