| آمنہ کے دل ربا پر نعت لکھ |
| اُس نبی خیر الورٰی پر نعت لکھ |
| ختم مرسل مجتبیٰ پر نعت لکھ |
| شافیِ ء روزِ جزا پر نعت لکھ |
| چاہتا اس دل کی ہوں رعنائیاں |
| سن پیارے مصطفےٰ پر نعت لکھ |
| بن کے آیا رحمۃ للعالمین |
| اس نبی ء با حیا پر نعت لکھ |
| بن کے آیا بے نواؤں کا نوا |
| اس سخی نور الہدیٰ پر نعت لکھ |
| جس کا سب نبیوں سے اعلیٰ مرتبہ |
| اس حبیبِ کبریا پر نعت لکھ |
| دکھ سبھی مٹ جائیں گے کرنا نہ غم |
| عرب کے تو شہنشاہ پر نعت لکھ |
| خود بخود ہی حاضری ہو گی تری |
| شاعری کر پیشوا پر نعت لکھ |
| چھوڑ ارشدؔ غزلیں وزلیں گیت سب |
| بس محمد مصطفےٰ پر نعت لکھ |
| مرزاخان ارشدؔ شمس آبادی |
معلومات