سجائے دہر کو ثنا مصطفیٰ کی |
سخی آنِ ہستی نبی جانِ ما کی |
منور ضحیٰ سے جہاں کے ہیں منظر |
عطا جو جہاں کو ہے اس دلربا کی |
گئی ساری ظلمت جو طاغوت کی تھی |
چمک ہے جہاں میں نبی کی ضیا کی |
ہیں انعامِ قدرت نبی پاک سے سب |
خلق پر ہے رحمت انہی کی عطا کی |
ہے ڈنکا جہاں میں نبی مصطفیٰ کا |
دہر میں حرارت ہے صلے علیٰ کی |
گراں فیض ہر دم ہیں آلِ نبی کے |
سدا شان اونچی ہے جن کے گدا کی |
ہے بیمارِ عشقِ نبی پاک جو بھی |
اے محمود اس کو غرض کب دوا کی |
معلومات