| ہر سو فضا میں آپؐ کے مدحت کی دھوم ہے |
| عشق نبیؐ میں انس و عقیدت کی دھوم ہے |
| بزم و جلوس میں چلی سیرتؐ کی دھوم ہے |
| نذرانہ ء سلام کی قرأت کی دھوم ہے |
| فاقہ کشوں یتیموں پہ آقاؐ ہیں مہرباں |
| نادار و ناتواں پہ سخاوت کی دھوم ہے |
| خیرالانامؐ اور وہ خیرالوریؐ بھی ہیں |
| اعلی تبار شان نبوت کی دھوم ہے |
| میلادؐ کی یہ محفلیں جزبوں میں لائے رنگ |
| دامن نبیؐ کا تھامنے طاعت کی دھوم ہے |
| صادق لقب سے ہوگئے معروف کل جہاں |
| سرکار مصطفیؐ کے دیانت کی دھوم ہے |
| نبیوں میں عالی مرتبہ ناصؔر حضورؐ کا |
| سردار انبیاؐء کے فضیلت کی دھوم ہے |
معلومات