| پیکرِ رشد و ہدایت حضرتِ آفاق ہیں |
| منبعِ جود و سخاوت حضرتِ آفاق ہیں |
| نور سے پر نور چہرہ لب تبسم ریز ہے |
| مالکِ حسن و صباحت حضرتِ آفاق ہیں |
| وہ تفکر وہ تدبر وہ تکلم کی ادا |
| شیخ احمد کی عنایت حضرتِ آفاق ہیں |
| واقفِ اسرارِ کل اہلِ سخن کے پیشوا |
| صاحبِ کنز الکرامت حضرتِ آفاق ہیں |
| قلب کے احوال پر ہوتی بصیرت کی نظر |
| کشف کی رکھتے وہ حالت حضرتِ آفاق ہیں |
| آپ سے ضوبار میری زیست ہے مولیٰ مِرے |
| علم و فن میری مہارت حضرتِ آفاق ہیں |
| اے تصدق آپ رکھتے ہیں تصوف میں کمال |
| رہبرِ راہِ ولایت حضرتِ آفاق ہیں |
معلومات