| ایک چھوٹے سے مکاں میں تھے محل میں آئے |
| راہبر ایسے ملے ہم نہ دجَل میں آئے |
| جب محمد ہوئے مدفون ہیں اس دنیا میں |
| حضرتِ عیسٰی بھی پھر دامِ اجل میں آئے |
| موت کا ذائقہ چکھتے ہیں سبھی شاہ و گدا |
| کوئی ہر روز ہی تدفین عمل میں آئے |
| جب زمیں مثلِ بہشت اونچی پنہ گاہ بنی |
| آسماں اس کے لئے کیسے خلل میں آئے |
| آشتی صلح کا پیغام مسیحا نے دیا |
| اب کہاں فتح بھلا جنگ وجدل میں آئے |
| اب تو مدّت سے تری یاد ستاتی بھی نہیں |
| اشک آنکھوں میں کہاں ہجر کے پل میں آئے |
| ہجر کے بعد ہوا کرتا ہے جو وصل نصیب |
| اور شیرینی ذرا صبر کے پھل میں آئے |
| لن ترانی کی صدا پھر سے سنائی دی ہے |
| زلزلہ پھر سے کوئی طُور جبل میں آئے |
| ذکر آیا نہیں گر اس میں کسی مہ رُخ کا |
| کیوں مزہ آپ کو طارق کی غزل میں آئے |
معلومات