یہ اشعار علامہ اقبال کے اندازِ فکر کی عکاسی کرتے ہیں، جہاں مادی زندگی کے مقابلے میں با مقصد اور جذباتی زندگی کی دعا کی گئی ہے۔ ان اشعار میں ایک ایسے حساس دل کی آرزو کی گئی ہے جو انسانیت کے درد اور عشقِ حقیقی کی آگ میں تڑپتا اور روشن رہتا ہے۔

جناب اگر آپ کو اپنے ہر شعر کی تشریح خود ہی لکھ کے سمجھانی پڑتی ہے تو اس سے تو بہتر ہے آپ یہ نثر ہی لکھ دیا کریں -
شعر تو وہ چیز ہوتا ہے، بقولِ شاعر

مزا کہنے کا جب ہے اک کہے اور دوسرا سمجھے

جی بجا فرمایا آپ نے -حضرت ویسے نثر کے علاوہ ان دو اشعار بارے آپ کی کیا رائے ہے؟


ترے تن میں ہے دل دھڑکتا ہوا
خدا تجھ کو دے دل تڑپتا ہوا
ملے تجھ کو حساس دل جو کہ ہو
محبت کی لو سے بھڑکتا ہوا

ترے تن میں ہے دل دھڑکتا ہوا
خدا تجھ کو دے دل تڑپتا ہوا
ملے تجھ کو حساس دل جو کہ ہو
محبت کی لو سے بھڑکتا ہوا


حضرت برا مت مانیے گا اس سائٹ پہ شاعری نہیں ہورہی ہے محض قافیہ پیمائی ہے یا تُک بندی -
آپ کا یہ قطعہ بھی میرے نزدیک اسی زمرے میں آتا ہے -
سب سے پہلے تو دھڑکتا کا قافیہ تڑپتا نہیں ہوتا کیوں کہ دونوں میں حرف روی الگ ہے
پھر آپ اشعار کی بُنت دیکھیں

ترے تن میں ہے دل دھڑکتا ہوا
--- دل تو تن میں ہی دھڑکتا ہوا ہوتا ہے یہاں تن میں محض زوائد میں شمار ہوگا - یہ کچھ اس طرح ہوتا کہ
ملا ہے تجھے دل دھڑکتا ہوا - تب پھر بھی یہ مصرع بنتا -

خدا تجھ کو دے دل تڑپتا ہوا
-- دونوں مصرعوں میں دل کا لفظ آنا شاعر کی زباں دانی پہ سوال اٹھاتا ہے - اس مصرع میں دل نہیں آنا چاہیئے کیونکہ پہلے میں یہ لفظ استعمال ہو چکا ہے - یہ کچھ اس طرح کا ہونا چاہیے تھا "کہ اےکاش ہوتا تڑپتا ہوا "

دوسرا شعر پھر بھی گزارے لائق ہے مگر الفاظ کے چناؤ میں ایک کچا پن ہے -
ملے تجھ کو حساس دل جو کہ ہو
محبت کی لو سے بھڑکتا ہوا

میں جانتا ہوں آپ کو میرا تبصرہ پسند نہیں آیا ہوگا - عموماً لوگوں کو نہیں آتا -

سر آپ کا تبصرہ میرے لئے قابل قدر ہے- میں نے قطعہ میں پہلے شعر کی آپ کی رہنمائی کے مطابق تصیح کردی -

آپ کے توجہ دلانے کے بعد میں علم قافیہ کا دوبارہ مطالعہ کررہا ہوں -
امید ہے آپ آئندہ بھی رہنمائی کرتے رہیں گے۔

ملا ہے تجھ کو، یہ جو ایک دل دھڑکتا ہوا
خدا کرے کہ سدا ہی رہے مہکتا ہوا
بسا رہے کسی احساس میں معطر یہ
محبتوں کی ضیا سے رہے چمکتا ہوا

آمین ۔