| لئے آزردہ دل جب میں مزارِ یار پر پہنچا |
| نگاہیں اشک ریزاں تھیں تھا دل بیتاب سینے میں |
| صدا رک رک کے آتی تھی مری مضطر سی دھڑکن سے |
| بنا تیرے مرے ہمدم مزہ کیا میرے جینے میں |
| ترے دل کش تصور سے چھلک جاتا ہے پیمانہ |
| پیوں کیا میں اے ساقی ! کیا بچا ہے میرے مینے میں |
| گریباں چاک ہو تو ہے بہت آساں رفو کرنا |
| بہت دشواری ہوتی ہے دلوں کے زخم سینے میں |
| جو کشتی ساحلِ دریا کی موجوں سے بپھر جائے |
| ہزاروں سال لگتے ہیں مسافر کو سفینے میں |
| لحد ! اس پر عیاں ہونا عروسِ شب کی مانند کہ |
| نہایت خوبرو ہے وہ نہاں ہے جو خزینے میں |
| نگاہِ عشق سے دیکھی نہیں جاتی یہ ویرانی |
| ہراک جانب اداسی ہے جو تیرے بن مدینے میں |
| اگر ہو عشق تو جانوں کہ آدابِ وفا کیا ہے |
| بہت سے راز مضمر ہیں محبت کے دفینے میں |
| کسی تصویر گر کی یہ کرم فرمائی ہے خاتم ! |
| کہ باقی نقش ہے اب تک جو یادوں کے نگینے میں |
| جدائی میں گزارے وقت کے بارے میں نہ پوچھو |
| کہ صدیاں بھی گزر جاتی ہیں ہفتے اور مہینے میں |
| اگر ساقی ہی مے خانے سے رشتہ توڑ لے شاہؔی |
| مزہ پھر کیا ہے رندوں کو صبوح و جام پینے میں |
معلومات