| عجیب رت کے عجیب دن ہیں |
| نہ صبح روشن، نہ شام باقی |
| نہ خواب پیاسے، نہ نیند گہری |
| نہ چاند چمکے، نہ رنگ بولے |
| کبھی ہواؤں میں تیرتے ہیں |
| سراب لمحے، سرود جیسے |
| کبھی خلاؤں میں بجھ رہے ہیں |
| چراغ دل کے، سکوت جیسے |
| کسی کی آنکھوں میں خوں سا منظر |
| کسی کے لہجے میں زہر سا غم |
| کسی کی باتوں میں دکھ چھپا ہے |
| کسی کی سانسوں میں دشت سا دل |
| یہ وقت بھی کیا عجب تماشہ |
| نہ راستے ہیں، نہ کارواں ہیں |
| نہ کوئی منزل، نہ انتہا ہے |
| بس ایک چکر، بس ایک دھارا |
| جو عمر بھر ساتھ ساتھ بہتا |
| کبھی کنارے، کبھی بھنور میں |
| وجود بکھرا، خیال تنہا |
| جنوں بھی بے کیف، ہوش بھی گم |
| کہیں صداقت بھی خواب جیسی |
| کہیں فریبوں کا عکس باقی |
| زمین گونگی، فلک بھی چپ ہے |
| ضمیر گم ہے، نظر جھکی ہے |
| عجیب رت کے عجیب دن ہیں |
| نہ کوئی رستہ، نہ رہنما ہے |
| بس ایک سایہ سا ساتھ چلتا |
| جو خود بھی بے رنگ، خود بھی بے جا |
معلومات