| شر جو ہر سو پھیلاتا ہے |
| خود کو اچھا کہلاتا ہے |
| کانا پھوسی کی عادت سے |
| سب کو باہم لڑواتا ہے |
| کانوں کا جو کچا ٹھہرا |
| انگلی پر پھر نچواتا ہے |
| کتنا ظالم بندہ توبہ |
| فتنہ ہر سو پھیلاتا ہے |
| سب کے اوپر انگلی کرتا |
| پر خود اوجھل ہو جاتا ہے |
| رب جو اچھا رتبہ دے دے |
| اتراتا ہے اٹھلاتا ہے |
| سب کو لڑوا کر خوش ہونا |
| ایسے ظالم کو بھاتا ہے |
| رسا ڈھیلا چھوڑا رب نے |
| اس پر غافل اتراتا ہے |
| جس دن رسی کھینچی رب نے |
| اوندھے منہ پھر گر جاتا ہے |
| ایسی فطرت والا بندہ |
| سب کی نفرت ہی پاتا ہے |
| برسی جو فیضِؔ رب کی لاٹھی |
| فتنہ گر اب پچھتاتا ہے |
معلومات