| اسکا کچھ ایسے دعا لینا مرے شعروں سے |
| اپنی تقریر سجا لینا مرے شعروں سے |
| پوچھتے کیوں ہو مکیں کون ہے میرے دل کا |
| اسکی تصویر بنا لینا مرے شعروں سے |
| تیرا ڈمپل تری آنکھیں ترے ابرو ترے ہونٹ |
| خود کو آئینہ دکھا لینا مرے شعروں سے |
| رقص سے ساز سے آواز سے گر جم نہ سکے |
| رنگ محفل کا جما لینا مرے شعروں سے |
| اسکا ہم شکل بھلا کون بنا سکتا ہے |
| چاند چہرے نہ بنا لینا مرے شعروں سے |
| سامنے اسکے ہنسی لب پہ ہمیشہ رکھنا |
| اور مرا اشک بہا لینا مرے شعروں سے |
| جو نگینے ہیں جڑے آپکی پلکوں کے تلے |
| کیسے ممکن ہے چھپا لینا مرے شعروں سے |
| حیدر اس رشکِ گلستان کا ملنا مشکل |
| یہ نہ ہو خواب سجا لینا مرے شعروں سے |
معلومات