| ولیوں کے سلطاں علی مشکل کشا |
| حیدرِ کرار وہ شیرِ خدا |
| رتبہ ہے اصحاب میں جن کا جدا |
| وہ علی ہیں فیض یابِ مصطفی |
| جو گدا کی جھولی بھرتے ہیں سدا |
| وہ علی ہیں منبعِ جود و سخا |
| وہ کہ جن کی حب ہی ہے حبِ نبی |
| وہ علی ہیں زوجِ بنتِ مصطفی |
| جن کے ڈر سے کانپتے کفار بھی |
| وہ علی ہیں بت شکن "مرحب" کشا |
| وہ جری ہیں "لا فتیٰ الا علی " |
| حق نما ہے ذوالفقارِ مرتضی |
| وہ علی ہیں باب شہرِ علم کا |
| حق علی کے ساتھ ہر آن و سدا |
| ان کا ہو فیضان عاجز کو عطا |
معلومات