| زرد رُتوں میں پُھول کِھلانے آیا ہوں |
| مَیں دھرتی گلزار بنانے آیا ہوں |
| لوگ وہاں پر بیٹھے ہیں تاریکی میں |
| مَیں جِس گھر میں دیپ جلانے آیا ہوں |
| تعبیریں کیسی ہوں، تیری قِسمت ہے |
| مَیں آنکھوں میں خواب سجانے آیا ہوں |
| جن کو چھوڑ دیا ہے شہر کے لوگوں نے |
| اُن لوگوں سے ہاتھ ملانے آیا ہوں |
| مَیں آنکھوں میں اشکوں کا سیلاب لئے |
| اِس دھرتی کی پیاس بُجھانے آیا ہوں |
| میرے مالک میرے نطق میں برکت دے |
| لوگوں کو احساس دلانے آیا ہوں |
| مانؔی مجھ کو لڑنا ہے ہر ظالم سے |
| مظلوموں کا ساتھ نبھانے آیا ہوں |
معلومات