| میرے پیارے دلربا ہیں وہ امام احمد رضا |
| مرکزِ فیض و عطا ہیں وہ امام احمد رضا |
| ماحیِ بدعت ہیں وہ اور حامیِ سنت ہیں وہ |
| نائبِ غوث الورٰی ہیں وہ امام احمد رضا |
| عشقِ احمد میں فنا کر کے خودی کی ذات کو |
| عاشقوں کے پیشوا ہیں وہ امام احمد رضا |
| اِک طرف مفتیِ اعظم اک طرف رحمانی میاں |
| بیچ میں جلوہ نما ہیں وہ امام احمد رضا |
| مرکزِ جود و سخا ہے ان کا پیارا آستاں |
| عالموں کے رہنما ہیں وہ امام احمد رضا |
| ان کے صدقے ہی گدا پر لاکھوں رحمت ہے سدا |
| بیکسوں کے غم زِدا ہیں وہ امام احمد رضا |
| نعتیہ دیوان سے سیکھی ہے لاکھوں ہی نے نعت |
| عاشقِ خیر الورٰی ﷺ ہیں وہ امام احمد رضا |
| دینِ حق کو ان سے بھی بخشی خدا نے ہیں جِلا |
| ہاں، مجدد حاضرہ ہیں وہ امام احمد رضا |
| دشمنوں کا ہو مجھے کیا خطرہ اور کوئی ملال |
| ہاں، جو میرے پاسباں ہیں وہ امام احمد رضا |
| آپ پیارے مصطفیٰ ﷺ کا پیارا سا اک معجزہ |
| مرجعِ خلقِ خدا ہیں وہ امام احمد رضا |
| پیکرِ سنت ہے وہ اور عالمِ سنت ہے وہ |
| صوفیوں کے رہنما ہیں وہ امام احمد رضا |
| سینوں کو زندگانی ہے ملی ان کے طفیل |
| سنیوں کے روح و جاں ہیں وہ امام احمد رضا |
| خوف نہ کرنا ذرا بھی اے رضا کے نور تو |
| تیرے ہی تو دلربا ہیں وہ امام احمد رضا |
| سگ رضا نور علی عطاری رضوی |
| 12 ستمبر 2023 |
| 25 صفر المظفر 1445ھ |
معلومات