| ہنس کے مقتل سے گزر جائیں ہم |
| گر ترے دل میں اتر جائیں ہم |
| دو قدم ساتھ تو دے اور میرا |
| اس سے پہلے کہ بکھر جائیں ہم |
| روک لو ہم کو اگر جانے سے |
| شہر میں تیرے ٹھہر جائیں ہم |
| پاس کچھ دیر رہو میرے گر |
| آپ سے مل کے نکھر جائیں ہم |
| ہم سا واپس نہ کوئی آئے گا |
| تم کہو کیوں نہ مکر جائیں ہم |
| یوں نہ گزرے گی غموں کی شب |
| اب رہیں زندہ کہ مر جائیں ہم |
| راس دوری نہیں آتی ہم کو |
| آؤ بانہوں میں سنور جائیں ہم |
| عمر گزری ہے سجاتے جس کو |
| آئی ہے شام تو گھر جائیں ہم |
| اور ہو جائے نہ اندھیرا شاہد |
| تھام کے چاند نگر جائیں ہم |
معلومات