| یہ زندگی اے مولا آقا کے نام ہو |
| صلے علیٰ ہے نغمہ جو وردِ عام ہو |
| مولا انا فناہ ہو اُن کے خیال میں |
| ہر آن نعت اُن کی پڑھتا غلام ہو |
| جاری ثنا نبی کی دونوں جہاں میں ہے |
| قائم رہے سدا یہ بالائے بام ہو |
| صد شکر میرے مولا جو مصطفیٰ ملے |
| بطحا میں حاضری بھی ہر صبح شام ہو |
| مسجد نبی میں مولا بیٹھا رہے حزیں |
| سارے جہاں میں زینت آقا کے نام ہو |
| اب یاد آ رہی ہے اُس شہر کی فضا |
| فدوی پہ میرے مولا اب فضلِ تام ہو |
| ہو در گزر کریمی محمود کی خطا |
| حاضر نبی کے در پر ادنیٰ غلام ہو |
معلومات