| اہل ولا کے واسطے موقعہ دعا کا ہے |
| پڑھئیے درود، جشن امام رضا (ع) کا ہے |
| شرطوں میں ایک شرط ہیں وہ لا الہ کی |
| کتنا عظیم دیکھیے رتبہ رضا(ع) کا ہے |
| کس نے کہا امام کی شاہی نہیں رہی |
| سکہ جہاں میں آج بھی چلتا رضا (ع) کا ہے |
| دربار میں امام کے اشعار یہ پڑھوں |
| مولا رضا(ع) یہ مدعا تیرے گدا کا ہے |
| مانگو مراد باب حوائج کے نام پر |
| ہم سب کے پاس پختہ وسیلہ رضا (ع) کا ہے |
| ہیں منحصر رضا (ع) کی رضا پر یہ سب نظام |
| ہے ملک تو خدا کا تصرّف رضا (ع) کا ہے |
| ہو زندگی کے ساتھ بھی مرنے کے بعد بھی |
| بس ہے سہارا ایک وہ آل عبا کا ہے |
| ہر مرحلے پہ حرفِ دعا کام آ گیا |
| تجھ پر کرم ظہیر مسلسل رضا(ع) کا ہے |
معلومات