| تضمین واہ کیا جود و کرم ہے شہِ بطحا تیرا |
| از ابو الحسنین محمد فضل رسول |
| سَیْر ہیں دو جہاں جس سے، وہ ہے چَشمہ تیرا |
| جَوشِ رَحمت پہ سَخاوت کا ہے دَریا تیرا |
| اَغْنِیَا جس کے سُوَالی، وہ ہے صَدْقہ تیرا |
| واہ کیا جُود و کَرَم ہے شہِ بَطْحا تیرا |
| نہیں سنتا ہی نہیں مانگنے والا تیرا |
| سب کو دیتے ہیں بُلا کے وہ ہے باڑا تیرا |
| نَعرے لگتے ہیں وَفا کے وہ ہے جَلْسہ تیرا |
| ڈَورے ہلتے ہیں قَضا کے وہ ہے سَجْدہ تیرا |
| دَھارے چلتے ہیں عَطا کے وہ ہے قَطْرہ تیرا |
| تارے کھِلْتے ہیں سَخا کے وہ ہے ذَرَّہ تیرا |
| کھاتا ہے سارا جَہاں روز نَوَالا تیرا |
| شَمْس ہے یا شہِ کَونین اُجالا تیرا |
| نُور ہے یا شہِ دارین حَوالا تیرا |
| فیَض ہے یا شَہِ تَسْنِیْم نرالا تیرا |
| آپ پیاسوں کے تَجَسُّسْ میں ہے دَریا تیرا |
| اَنْبِیَا پاتے ہیں تَسْکیں، وہ ہے جَلوہ تیرا |
| اَوْلِیَا رَکھتے ہیں سَر پر، وہ ہے تَلوا تیرا |
| اَسْخِیَا کھاتے ہیں جِس سے، وہ ہے دانہ تیرا |
| اَغْنِیَا پَلتے ہیں دَر سے، وہ ہے باڑا تیرا |
| اَصْفِیَا چَلتے ہیں سَر سے، وہ ہے رَسْتہ تیرا |
| کیا دی ہیں آپ خدا نے سبھی تم کو شانِیں |
| کر گئے اہلِ جہاں تو فِدا اپنی جانیں |
| ہاں مَگَر یہ تِری نسبت کے عَدُو کیا مانیں |
| فَرْش والے تِری شَوکت کا عُلُو کیا جانیں |
| خِسْرَوَا عَرْش پہ اُڑ تا ہے پَھرِیرا تیرا |
| ہاں دِکھانی تھی سَبھی کو یوں خدا نے یہ شان |
| یہ فََلََک پر تھا ستاروں کا چَمَکتا عُنْوَان |
| اِبْتِدَا سے ہی سَجا تھا یہاں پر یہ سامان |
| آسماں خَوان زمیں خَوان زمانہ مَہمان |
| صاحبِ خانہ لَقَب کِس کا ہے تیرا تیرا |
| ہے خدا نے ہی دِیا ان کو بڑا رتبہ عَجیب |
| جو کسی کو نہ مِلا ہے نہ کوئی اتنا قریب |
| گر نہ کوئی، اسے مانے، تو یہ ہے اس کا نَصیب |
| میں تو مالِک ہی کہوں گا کہ ہو مالک کے حَبیب |
| يعنی مَحبوب و مُحِب میں نہیں میرا تیرا |
| چُھوٹا جن سے تِرَا در خَيْر کا منہ کیا دیکھیں |
| دیکھ لیں جو تِرا در، دَیر کا منہ کیا دیکھیں |
| دیکھیں پَرواز تو وہ طَیْر کا منہ کیا دیکھیں |
| تیرے قدموں میں جو ہیں غیر کا منہ کیا دیکھیں |
| کون نَظروں پہ چڑھے دیکھ کے تَلوا تیرا |
| سر کا رتبہ کہاں، ان کے نہیں کوئی پا سا |
| کھوٹے سِکّے، کا کھَرا ان سے ملے گا پاسا |
| بھیک مانگوں، گا تو ان سے، نہ مِرا اور پاسا |
| بَحْرِ سَائل کا ہوں سَائل نہ کنویں کا پیاسا |
| خود بجھا جائے کلیجہ مرا چھینٹا تیرا |
| اَب کہاں جائیں گُنَہ گار لے کے لَاف گَزاف |
| ڈھونڈیں اس کو جو کرے اپنے کَرَم سے یہ مُعَاف |
| جو گُنَہ گاروں کے سب کاموں پہ ہی ڈالے غِلَاف |
| چَور حاکِم سے چھپا کرتے ہیں یاں اس کے خِلاف |
| تیرے دامن میں چھُپے چَور اَنوکھا تیرا |
| دیکھتے ہی ہوں فِدا جس پہ ہَزاروں مَہْتَاب |
| ہر رَگِ جان بھی تَڑپا کرے مِثْلِ سِیْماب |
| دل سبھی اک ہی جَھلَک دیکھ کے ہو جائیں بے تاب |
| آنکھیں ٹَھنڈی ہوں جِگَر تازے ہوں جانیں سیراب |
| سچِّے سُورَج وہ دل آرا ہے اُجَالا تیرا |
| خَوفِ مَحْشَر سے ابھی دِل بھی ڈَرا جاتا ہے |
| اب عَمَل سَوچ کے تو سانس رُکا جاتا ہے |
| تیری رَحْمت کا بَھرَم، خوف اُڑا جاتا ہے |
| دل عَبَث خوف سے پَتَّا سا اڑا جاتا ہے |
| پَلَّا ہلکا سہی بھاری ہے بَھروسا تیرا |
| تیرا ہو کے بھی نہ چُھوٹوں تو خَجالت کِتْنِی |
| پوچھیں سب مجھ سے تِرے آقا کی رَحْمَت کِتْنِی |
| کیا کہوں میں کہ ہے آقا کی شفاعت کِتْنِی |
| ایک میں کیا مرے عِصْیَاں کی حقیقت کِتْنِی |
| مجھ سے سو لاکھ کو کافی ہے اِشارہ تیرا |
| حَشْر کا چرچا بڑا، پر یوں تو شامت نہ پَڑی |
| ہر نصیحت بھی سنی تھی، کبھی قیمت نہ پَڑی |
| جانتا بھی تھا، عَمَل کی کبھی ہِمَّت نہ پَڑی |
| مُفْت پالا تھا کبھی کام کی عادت نہ پَڑی |
| اب عَمَل پوچھتے ہیں ہائے نِکَمَّا تیرا |
| ہم نہیں رکھتے اَمیرانہ کہیں رشتہ، نہ مال |
| بس تری یادیں ذَخیرہ یہی کل مال و مَنال |
| کھائیں گے ہم اسی در سے ہمیں اب در سے نہ ٹال |
| تیرے ٹکڑوں سے پلے غیر کی ٹھوکر پہ نہ ڈال |
| جِھڑکیاں کھائیں کہاں چھوڑ کے صدقہ تیرا |
| ہم کو کافی ہے فقیری زرِ قیصر پہ نہ ڈال |
| تیرے در پر ہی پڑے ہیں کسی اور در پہ نہ ڈال |
| کھائیں گے تیرے نَوالے کسی دیگر پہ نہ ڈال |
| تیرے ٹُکڑوں سے پلے غیر کی ٹھوکر پہ نہ ڈال |
| جِھڑکیاں کھائیں کہاں چھوڑ کے صدقہ تیرا |
| دو مجھے جو سزا بھی اس کا سزاوار ہوں میں |
| ہوں برا بھی میں سیہ کار ہوں بے کار ہوں میں |
| کچھ عَمَل کا بھی خزانہ نہیں نادار ہوں میں |
| خَوار و بیمار و گُنہ گار و خَطاوار ہوں میں |
| رافع و نافع و شافع لَقَب آقا تیرا |
| میری قِسْمَتْ جو ہےکھوٹی تو کَھری کردے کہ ہے |
| میری ہِمَّت میں ہے سُسْتی تو جَری کردے کہ ہے |
| میرے جُرموں کے ہیں دفتر تو بَری کر دے کہ ہے |
| میری تَقْدِیْر بُری ہو تو بَھلی کردے کہ ہے |
| مَحْوَ و اِثْبات کے دَفتر پہ کڑوڑا تیرا |
| تُو جَو چاہے تَو سَبھی آج غِطا دِل سے اُٹھیں |
| تُو جَو چاہے تَو اَبھی کان مِرے دِل کے سُنیں |
| تُو جَو چاہے تَو لَطَائِف یہ مِرے دِل کے کھُلیں |
| تُو جَو چاہے تَو ابھی مَیل مِرے دِل کے دُھلیں |
| کہ خُدا دِل نہیں کرتا کبھی مَیلا تیرا |
| ہم غَریبوں کی ہے بِپتا یہ بے حِس سے کہیے؟ |
| کَب سُنے کوئی غَریبوں کی یہ جِس سے کہیے |
| جَو سُنے بھی تَو غَریبوں کی ہاں اُس سے کہیے |
| کِس کا منہ تکئے کہاں جائیے کِس سے کہیے |
| تیرے ہی قَدْموں میں مِٹ جائے یہ پالا تیرا |
| تُو نے عِرْفان دیا تُو نے سَعَادت میں لیا |
| تُو نے اِحْسان کیا تُو نے شَفَاعت میں لیا |
| تُو نے اِیْمَان دیا تو نے کَرَامت میں لیا |
| تُو نے اِسلام دیا تُو نے جَمَاعت میں لیا |
| تُو کَرِیم اَب کوئی پِھرتا ہے عَطِیَّہ تیرا |
| اَب گُزَارا ہے میں نے زِندگی کا سارا شَبَاب |
| ہاں مُکَمَّلْ ہو رہا ہے یوں مِرا سَب یہ نِصَاب |
| ہَو رہی ہے یُوں مُکَمَّلْ یہ کہانی کی کِتَاب |
| مَوت سُنتا ہوں سِتَم تَلْخ ہے زَہْرَابہِ نَاب |
| کَون لادے مُجھے تَلووں کا غُسَا لَہ تیرا |
| زِندگی ہو درِ سَرْکار پہ جَیسی گُزْرِے |
| میں پَڑا ہی رَہوں کاسَہ لئے اَیسی گُزْرِے |
| بَس فَقیروں مِیں مَیں شَامِل رہوں وَیسی گُزْرِے |
| دُوْر کیا جانئے بَد کار پہ کیسی گُزْرِے |
| تیرے ہی در پہ مَرے بے کس و تنہا تیرا |
| دُوْرِی میں میرے دلِ زَار پہ کَیسی گُزْرِے |
| دُوْرِی میں تیرے خَطَا کَار پہ کَیسی گُزْرِے |
| دُوْرِی میں اَیسے گُنَہ گَار پہ کَیسی گُزْرِے |
| دُور کیا جانئے بد کار پہ کَیسی گُزْرِے |
| تیرے ہی دَر پہ مَرے بے کَس و تَنْہَا تیرا |
| یہ زَمیں اور یہ فِضَا نُور تِرِے نے گھیری |
| عَرْش تَک ساری جَگَہ فیَض تِرِے کی پِھیری |
| رَاج ہے تیرا ، لگی آس تُجھی سے میری |
| تیرے صَدْقے مُجھے اک بوند بَہُت ہے تیری |
| جِس دن اَچَّھوں کو مِلے جام چَھلَکْتا تیرا |
| سَب تِرِی ہی دیں دُہائی، ہے تُو ہی جائے پَنَاہ |
| تیرے بِن کوئی نہ چَارہ، نہ کِسِی سے ہو نِبَاہ |
| یہ گَدَا تیرے، مِٹیں ان کے تِرِے صَدقے گُنَاہ |
| حرم و طیبہ و بغداد جدھر کیجئے نِگاہ |
| جَوت پَڑتی ہے تِرِی نور ہے چھَنتا تیرا |
| رضْوِی لایا ہے رضا کا تُو یہ مَضمونِ رَفیع |
| کہاں سے سیکھا رضا نے ہے یہ اُسلوبِ مَنیع |
| ہے رضا کا جو وسیلہ وہ بڑا اونچا وَقیع |
| تیری سَرْکَار میں لَاتا ہے رضا اس کو شَفِیْع |
| جَو مِرا غَوث ہے اور لاڈَلا بیٹا تیرا |
| تضمین نگار :ابوالحسنین محمد فضلِ رسول رضوی، کراچی |
معلومات