| ملتی ہے دل کو راحت حاجی علی کے در پر |
| ہوتی ہے پوری حاجت حاجی علی کے در پر |
| مچھلی ہے کرتی مدحت حاجی علی کے در پر |
| چل دیکھ! یہ کرامت حاجی علی کے در پر |
| چہرے پہ آتی فرحت حاجی علی کے در پر |
| رب نے ہے دی وہ برکت حاجی علی کے در پر |
| حاجی علی کے صدقے رب نے ہے پوری کر دی |
| مانگی ہے جو بھی منّت حاجی علی کے در پر |
| صبح و مسا فرشتے آتے سلامی دینے |
| اللہ کی ہے رحمت حاجی علی کے در پر |
| ان کے طفیل بگڑی ہر بات بن گئی ہے |
| ہم پر ہوئی عنایت حاجی علی کے در پر |
| تسکینِ قلب ملتی دکھ درد میں تصدق! |
| مٹتی ہے دل کی کلفت حاجی علی کے در پر |
معلومات