| عصرِ حاضر کے تقاضوں کو سمجھ اے پاسباں |
| نوجوانانِ امم کو پھر صفت اجداد کر |
| طفلِ شاہیں کو سکھا دے پھر سے شاہیں کا سبق |
| خوف و دہشت کی فضا سے گلستاں آزاد کر |
| عظمتِ رفتہ سنا دے، دے انہیں دیرینہ خو |
| دے عقابی روح ان کو ہمسرِ صیاد کر |
| ہے مسلماں کا مگر اب کند تیغِ بے نیام |
| دستِ نازک نازنیں کو بازوۓ فولاد کر |
| قیصر و کسریٰ کی شوکت کو زوال آجائے گا |
| خالدؓ و فاروقؓ سا دل سینے میں آباد کر |
| شمعِ دل کو سوزِ پنہاں سے جلا کر اے کہ تو |
| خود میں پیدا بو عبیدؓہ، سعدؓ اور ،مقداؓد کر |
| آج بھی باطل ہراساں ہوں گے تیرے نام سے |
| پھر سے صحرائے عرب کی داستاں کو یاد کر |
| ہے اگر خواہش حیاتِ جاودانی کی تجھے |
| ملتِ مرحوم کی الفت سے دل آباد کر |
| حرف ناموسِ رسالت پر مگر کیوں آۓ گا |
| کائناتِ صد ہزار آباد کو برباد کر |
| دین و ملت کا تحفظ مقصدِ ہستی ہے گر |
| آ کے دربارِ خدا میں گریہ و فریاد کر |
| بن حکومت ساز بن تو دستِ دولت آفریں |
| محفلِ ہستی سے شاہؔی ختم استبداد کر |
معلومات