| عشق صوفیانہ ہے |
| حسن شاعرانہ ہے |
| تیرے شہر کا موسم |
| تو بہت سہانا ہے |
| کام سے نہیں فرصت |
| یہ تو اک بہانا ہے |
| جو بھی ہے بتا دو اب |
| مجھ سے کیا چھپانا ہے |
| تو بھی ملنے آیا کر |
| تیرا آنا جانا ہے |
| درد کا نہ پوچھو تم |
| یہ بہت پرانا ہے |
| کل ہی تم سے بچھڑے تھے |
| گذرا اک زمانہ ہے |
| سب کی اک کہانی ہے |
| تیرا کیا فسانہ ہے |
| معنی عشق کے کیا ہیں |
| ہم نے تم سے جانا ہے |
| آج تو ٹھہر جاؤ |
| عرض عاجزانہ ہے |
| مسکرا دو میری جاں |
| حالِ دل سنانا پے |
| تجھ سے دل لگانا ہے |
| یہ ہی تو فسانہ ہے |
| خواب بن کے آیا ہے |
| یا کوئی ترانہ ہے |
| چاندنی بھی شرمائے |
| حُسن قاتلانہ ہے |
| زخم بھی سجائے ہیں |
| عشق کا خزانہ ہے |
| زندگی کی راہوں میں |
| تیرا ہی ٹھکانا ہے |
| چاہتوں کے جگنو سے |
| دل کا گل سجانا ہے |
| یہ نظر کی باتیں ہیں |
| دل تو اک نشانہ ہے |
| چاندنی تو گہنا ہے |
| رات کا خزانہ ہے |
| زلف کالے بادل ہیں |
| چہرہ اک فسانہ ہے |
| لب ہیں جیسے کلیاں سی |
| ہنسنا دل لگانا ہے |
| چاند کو بھی حیرت ہے |
| کس کا یہ ٹھکانا ہے |
| شوق رنگ بھرنے کا |
| خواب سے پرانا ہے |
| قطرہ قطرہ دریا سا |
| آنکھ کا بہانہ ہے |
| دل پہ نقش چہرہ ہے |
| دھوپ کا ترانہ ہے |
| سرخ گال، سورج سا |
| نور کا خزانہ ہےپ |
| پھول بھی خفا ہوں گے |
| چاند لوٹ جانا ہے |
| روشنی سی آنکھوں میں |
| دھوپ کا ٹھکانا ہے |
معلومات